Inanunsyo na ang mga nominado para sa 49th Gawad Urian. Kabilang sa mga magpupuksaan para sa Best Actress ay sina Krystel Go para sa pelikulang “I’mPerfect,” Odette Khan para sa “Bar Boys: After School” at Kapamilya star na si Maris Racal para sa “Sunshine.”
Kabilang din sa mga nominado para sa Best Actress sina Ruby Ruiz (“Tigkiliwi”), Nour Hooshmand (“Cinemartyrs”), EJ Jallorina (“Dreamboi”), Geraldine Villamil (“Republika ng Pipolipinas”), at Rissey Reyes-Robinson (“Paglilitis”).
Pinangunahan naman ni Dolly de Leon ang listahan ng mga nominado para sa Best Supporting Actres. Nandiyan din sina Alessandra de Rossi (“Republika ng Pipolipinas”), Elora Españo (“Lakambini: Gregoria de Jesus”), Jennica Garcia (“Sunshine”), Gina Pareño (“Lakambini: Gregoria de Jesus”), Rochelle Pangilinan (“Child No. 82”), at Eula Valdes (“Paglilitis”).
Sa Best Actor naman ang mga nominado ay sina Earl Jonathan Amaba (“I’mPerfect”), Jomari Angeles (“Some Nights I Feel Like Walking”), Carlo Aquino (“Bar Boys: After School”), Elijah Canlas (“Rumaragasa”), Julian Paul Larroder (“Tigkiliwi”), Jojit Lorenzo (“Habang Nilalamon ng Hydra ang Kasaysayan”), Miguel Odron (“Some Nights I Feel Like Walking”), at Jericho Rosales (“Quezon”).
Para naman sa Best Supporting Actor, kabilang sa mga nominado sina Will Ashley (“Bar Boys: After School”), Amado Babon (“Magellan”), Rico Blanco (“Manila’s Finest”), Joshua Garcia (“Meet, Greet, Bye”), Enrique Gil (“Manila’s Finest”), Iain Glen (“Quezon”), at Nanding Josef (“Habang Nilalamon ng Hydra ang Kasaysayan”).
Sa Best Film category, kabilang sa mga nominado ang “Bar Boys: After School,” “Bloom Where You Are Planted,” “Cinemartyrs,” “Quezon,” at “Sunshine.”
Para naman sa Best Director, nominado sina Noni Abao (“Bloom Where You Are Planted”), Sari Dalena (“Cinemartyrs”), Antoinette Jadaone (“Sunshine”), Kip Oebanda (“Bar Boys: After School”), at Jerrold Tarog (“Quezon”).
Wala pang detalye na binibigay
kung kailan ang 49th Gawad Urian Awards Night.
