“Negligence in trusts of high consequence is, of itself, a crime.”
> William Shakespeare
Pagkakaiba ng tatlong uri ng ari-arian ng isang mag-asawa , ayon sa Family Code .
A. Absolute Community of Property (ACP)
Sa pangkalahatan, kasama sa community property ang ari-ariang pag-aari ng mag-asawa bago at habang kasal, maliban sa mga ari-ariang partikular na ibinubukod ng batas. May mga exception, gaya ng ilang ari-ariang natanggap bilang mana o donasyon.
B. Conjugal Partnership of Gains (CPG)
Sa pangkalahatan, hiwalay na pag-aari ng bawat asawa ang ilang ari-ariang dala niya sa kasal, ngunit ang mga kinita sa trabaho o propesyon habang kasal, pati ang ilang kita mula sa hiwalay na ari-arian, ay kabilang sa conjugal partnership ayon sa batas.
C. Complete Separation of Property
Kung ito ang valid na napagkasunduan sa marriage settlement, tulad ng Pre Nuptial Agreement, na maaaring magkahiwalay ang pagmamay-ari at kita ng mag-asawa, ayon sa kasunduan at naaangkop na batas.
Paano naman ang perang kinita ni Atty. Carpio mula sa kanyang kliyente ?
Kung ang pera ay kinita niya bilang abogado habang kasal sila, hindi sapat na sabihing siya ang personal na kumita upang awtomatikong ituring na eksklusibo niyang ari-arian ang lahat ng perang iyon.
Kung pera ito ni Atty. Carpio , kailangan ba itong isama sa SALN ni VP Sara?
Dito kailangang pag-ibahin ang pagmamay-ari, deklarasyon at pinagmulan ng pera.
Sa ilalim ng Article XI, Section 17 ng 1987 Constitution, kailangang maghain ng deklarasyon ng assets, liabilities at net worth ang mga public officer at employee ayon sa itinakda ng batas.
Ang pahayag ni Atty. Carpio na personal niyang pera ang ginamit niya ay isang depensang may legal na kabuluhan, lalo na kung ang paratang ay paggamit ng public funds para sa mga partikular na gastusin.
Ngunit hindi nito awtomatikong sinasagot ang hiwalay na tanong kung may kita o ari-ariang dapat ideklara sa SALN ni VP Sara Duterte.
Ang usapin pa rin , na dapat suriin ng mga Senator/Judges ay kung sinadya ba ni VP Sara na huwag isama ang ibang ari-arian at yaman sa kanyang SAL-N ?
Walang Personalan .
